Өлең, жыр, ақындар

Қарлығашым, қанатынан жел ескен

  • 15.07.2021
  • 0
  • 0
  • 698
Кəмилаға

Телефонның ар жағынан үн қатшы,
Тереңiне телегейдiң шым батшы.
Түнегiңнiң күрсiнгенiн күшейтiп,
Жүрегiңнiң дүрсiл-демiн тыңдатшы.
Алдарқатшы əуезiңмен, үнiңмен!
Таңдайыма бал тамызшы тiлiңмен.
Жалғыз тамшы жарып өтсiн кеудемдi
Жаратқанның кiрпiгiне iлiнген.
Телефонның ар жағынан бер келшi,
Еркiңмен кеп,
Дертiмдi емдеп, дем бершi.
Жас шағымның жалауындай желбiреп,
Ақ сағымның аясында тербелшi.
Телефонның ар жағынан үн қатшы,
Көрдей қуыс көкiрегiме Күн жақшы.
Жанарыма үйiрiлген жасымды
Жалғыз ауыз лебiзiңмен құрғатшы.
...Телефонның ар жағынан тiл қатшы!..



Пікірлер (0)

Пікір қалдырыңыз

Серт

  • 0
  • 0

Тостағаны уға тола ғасырда
Менiмен бiрге бола аласың ба?
Бұл дүниеден булықса даусым,
Ол дүниеден ораласың ба?

Толық

Теңізге тілек

  • 0
  • 0

Басыл, теңіз, өзеуреп, өрекпімей,
Өнебойы кімдерге керек дүлей?
Тағы да бір тулайтын кезің келер,
Терістіктен Түстікке жел өтті ғой,

Толық

Жасыл бақ, жапырағына Айды ораған

  • 0
  • 0

Жасыл бақ, жапырағына Айды ораған,
Жас гүлзар. Жауқазын гүл жайған алаң.
Ақсаумал самал есiп айналадан,
Шашыңды торғын торы аймалаған

Толық

Қарап көріңіз

Басқа да жазбалар