Өлең, жыр, ақындар

Қарағым, айналайын, бұраң белiм

  • 15.07.2021
  • 0
  • 0
  • 1052
Қарағым, айналайын, бұраң белiм,
Қалайша сенi көрмей тынар көңiл?!
Алыстан ат арытып келгенiмде,
Алдымнан «ағатайлап» шығар ма едiң?
Алыстан ат арытып келгенiмде
Керегi бола қоймас жеңгенiң де.
Жанымды, ебiн тауып, жай таптырсаң,
Жатармын бiр-екi-үш күн ең кемiнде.
Қарағым, айналайын, бұрымдым-ай,
Күн қайда күлiп-ойнар бұрынғыдай…
Қолымның жетпейтiнiн бiле тұра
Несiне саған келiп ұрындым-ай?
Ақ жүзiң аршылмаған жұмыртқадай,
Пар келмес ажарыңа ымырттағы Ай!
Көңiлiм алып-ұшқан басылар ма
Көзiңнiң кəусарынан бiр ұрттамай?!
Қарағым, айналайын, қырымдағым,
Алдымнан Ай туғанын ырымдадым.
Аузынан əлдекiмнiң атың шықса,
Шырылдап қоя берер шыбын жаным.
Жiгiттiң сейiл құрған серiсi едiм,
Сенделiп,
Сенi ойласам, шер iшемiн.
Аққудың сыңарындай, шырағым-ай,
Өзiңмен ендi қашан көрiсемiн?..



Пікірлер (0)

Пікір қалдырыңыз

Сары самауыр қайнайды бабыменен

  • 0
  • 0

Сары самауыр қайнайды бабыменен,
Жақсы жiгiт ойнайды жарыменен.
Жанарыңды алыстан жаудыратпай,
Жақсы көрсең шынымен жаныма кел.

Толық

Бір жапырақ қалмапты-ау тал басында!

  • 0
  • 0

Бір жапырақ қалмапты-ау тал басында!
Қалбаң қаққан не дерсің қарға сұмға?
Қайран көктем, қайран жаз, сайраны өтіп,
Қара жердің шіріген жамбасында!..

Толық

Сөз оғымен өлтiрiп көсем жырды

  • 0
  • 0

Сөз оғымен өлтiрiп көсем жырды
Арамызда қаншама өсек жүрдi...
Əзəзiлдiң елемей азғырғанын,
Ақыл-есi бұл жұрттың кешеу кiрдi.

Толық

Қарап көріңіз