Өлең, жыр, ақындар

Сағыныш

  • 16.07.2021
  • 0
  • 0
  • 712
Сағым қалқып, самал ескен,
Сар даланы ала көшкен
Сəмбiталдай сəнiң қайда
Желмен шашын тарап өскен?
Сиқыр сымбат – сыйың қайда?
Маған ғана бұйырмай ма?!
Қаламқасың қанат қағып,
Қаракөзiң қиылмай ма?
Қасiретiм – кəрi дұшпан,
Сарғаямын сағыныштан.
Əуездi əсем əнiң қайда
Əлдеқайда алып ұшқан?..
Мың бiр арман – күйiң қайда,
Мың бұралған биiң қайда?
Көзден ұшсаң, ащы өкiнiш
Өзегiме құйылмай ма?
Жұлдыз жұртын,
Айдың елiн
Аралап жүр қайғым менiң…
Мəжнүн басым маза таппай
Мың мəртебе «Лəйлiм» дедiм.
Көкте жүрсең, төмендешi,
Көз жасымды көгендешi.
Кездесуге зармын дешi,
Кешiкпешi, келем дешi?..



Пікірлер (0)

Пікір қалдырыңыз

Тыныштық таңы

  • 0
  • 0

Бұлаққа құлақ тостым күліп аққан,
Жеткендей бұлбұлдың да үні бақтан.
Оянды шымылдықтың аржағынан
Ажары перизаттай тұнық ақ таң.

Толық

Өмір емес, өмірім – өлермендік

  • 0
  • 0

Өмір емес, өмірім – өлермендік,
Талай күнді тепкілеп терең көмдік...
Ештеңе жоқ алдымда алаңдарлық,
Ештеңе жоқ артымда елеңдерлік.

Толық

Өлсем – елеспін

  • 0
  • 0

Өлсем – елеспін,
Көмсең – дөңеспін.
Келсем, неге өлдім?
Өнсем, неге өштім?

Толық

Қарап көріңіз

Басқа да жазбалар