Өлең, жыр, ақындар

Түс

  • 16.07.2021
  • 0
  • 0
  • 507
(реквием)

Жұлдызға төсеп кеудемдi,
Тiлдесiп көкпен көңiл күй,
Ынтызар, ыстық бейнеңдi
Түсiмде көрем мен ылғи:
…Желбiреп əппақ желеңiң,
Өзiңмен жерге Ай қонар.
Өзегi талған өлеңiм,
Өлiп те өшiп аймалар.
Қайдан да келдiң деместен,
Манаурап жатқан масаңдай:
Танармын əбден мен естен
Көзiмдi жұмған аша алмай.
Шашымнан сипар жел лебi,
Мойныма тұмар тағардай…
Бесiкке бөлер жер менi
Бейнеткеш марқұм анамдай.
Дертiне дауа денемнiң –
Шашбаулы жаздың шалғыны-ай!
Аузында айдай əлемнiң:
«Əлди де əлди, əлди-ай…»
Татқызған дəмiн шербеттiң
Атқанша ақ таң қалғымай
Аузында күллi жер-көктiң:
«Əлди де əлди, əлди-ай…»
Жатармын марғау халде мен
Маза алған мəйден масаңдай, –
Жай тауып бiр сəт жан-денем,
Көзiмдi жұмған аша алмай.
Лəззатың,
Күлкiң…
Бəрi есте,
Не шара у-зəр iшкенмен?
Жүрегiм – құйттай нəресте
Кеудемде жатып түс көрген.



Пікірлер (0)

Пікір қалдырыңыз

Жұмақ түні

  • 0
  • 0

Бiз бүгiн – Адам ата, Хауа анамыз,
Күннен нұр, Айдан саумал сауа аламыз.
Жаһанның аржағы мен бержағына
Ақшамда ақша бұлттай ауа аламыз!

Толық

Ес жиғанда жолығып Елесiммен

  • 0
  • 0

Ес жиғанда жолығып Елесiммен,
Шығара алмай жүрмiсiң менi есiңнен.
Бiрге бола алмасақ,
Ғайып-ана

Толық

Аттан түскен мырзадай

  • 0
  • 0

Аттан түскен мырзадай,
Құздан түскен құлжадай,
Құзырына Құдайдың
Құлдық ұрған қу жан-ай!..

Толық

Қарап көріңіз

Пікірлер