Өлең, жыр, ақындар

Кезiнде бəрi болған, бəрi болған

  • 16.07.2021
  • 0
  • 0
  • 457
Кезiнде бəрi болған, бəрi болған,
Бүгiнде əрi шындык, əрi жалған.
Құндыз да жағамызға жараса қап,
Жұлдыз да тұрушы едi жанып алдан.
Салмақтап сақинасын Сауысқан-қыз,
Сабырды сарқып iшiп тауысқанбыз.
Көз салған көш алдына Төлегендей
Бiрiнен бiреуiне ауысқанбыз.
Бiрiнен қу қыздардың бiрi өткенде,
Жүрегiң жүрдек соғып дiр еткенде,
Баянға басымызды байлап берiп,
Күтушi ек жылы сөздi Жiбектен де.
Сұлу ғой қыз кезiнде бəрi қыздың,
Апыр-ау, сол сұлу ма –
Жарымыз кiм?
Жоғалтса сақинасын Сауысқан-қыз,
Сырғасы құлағында сары күздiң.
Бəрi рас,
Бəрi ақиқат,
Болған бəрi...
Бүгiнде жанқалтамыз толған дəрi.
Құдай-ау, бiздер қайда,
Қыздар қайда –
Ұқсаған ақтиiнге ормандағы?



Пікірлер (0)

Пікір қалдырыңыз

Жастық аялдамасы

  • 0
  • 0

Естіртіп емен-жарқын шат дауысын
қонғандай базарымен баққа құсым,
Киінген қызыл-жасыл қыз-бозбала
ішіне келіп кірді автобустың.

Толық

Аузына түсе салмай, мақтаса кім

  • 0
  • 0

Аузына түсе салмай, мақтаса кім,
Абайлап аламанға ат қосамын.
Тəлімін Тəңірімнің таныған соң
Тамырын тіршіліктің тап басамын.

Толық

Ақ қайыңды көремін қыз баладай

  • 0
  • 0

Ақ қайыңды көремін қыз баладай,
Жапырағын жұлмағай ызғар оңай.
Ұзақтайын демесең қасыма кел,
Сіз – ақ қайың болғанда, біз – қарағай.

Толық

Қарап көріңіз