Өлең, жыр, ақындар

Мең

  • 16.07.2021
  • 0
  • 0
  • 1251
Бетiңдегi бiр меңiң
Бесiгiндей жалғанның,
Есiмiндей арманның,
Есiгiндей түрменiң.
Сол бесiкте неге ғана тербелiп,
Сол түрмеге неге ғана кiрмедiм?
Кiрсем едi түрме iшiне – түнекке,
Меймана мең – меңдуана тiлек пе?..
Келтiрер ме ем калимаға тiлiмдi,
Жастап жатып кəллəмдi аппақ бiлекке.
Жалғыз ноқат...
Нүктесiндей жалғанның,
Неге саған өлiп-өштiм, арбалдым?
Əлдекiмнiң емес пе екен көз жасы,
Ақ бетiңе – əппақ қарға тамған мұң?..
Жалғыз тамшы –
Жазықсыз мұң,
Мөлдек мұң..,
Неге сонша көз жасымды көлдеттiң?
Ей, жұмбақ қыз! –
Жұмыр жердiң иесi!
Жүрегiңе келiп кеттi төрлеткiм.
Əттең,
Əттең,
Əттең,
Əттең,
Əттең-ай!..
Қос қолда емес,
Аспанда ғой əппақ Ай.
Жалғыз меңге жанарымды телмiртiп,
Көңiлiмдi нiлдей бұзған Көктем-ай...



Пікірлер (0)

Пікір қалдырыңыз

Үстіне жамылғысын жаба алмай қыс

  • 0
  • 0

Үстіне жамылғысын жаба алмай қыс
Жабырқап жатыр ма екен анам байғұс?..
Көл жақта көкала үйрек көрінбейді,
Жүр ме əлде көне жұртын таба алмай құс?

Толық

Ей, Арман!

  • 0
  • 0

Ей, Арман!
Арман, арман, қайран арман,
Күн құшқан, аспанға ұшқан, Айға барған...
Аунайды-ау көңіл шіркін көк шалғынға,

Толық

Сен менi неғыласың, неғыласың

  • 0
  • 0

Сен менi неғыласың, неғыласың,
Жел-құйын ой-қиялға толы басың.
Көшеге көк көйлектi киiп шықсаң,
Көлденең көкаттыға жолығасың.

Толық

Қарап көріңіз