Құбылып шыққан сырнайсың

Құбылып шыққан сырнайсың
Жүректің жырын жырлайсың
Жанымды менiң паршалап,
Тәнiмдi менiң турайсың.

Құбылып шыққан сырнайсың
Жүректің жырын жырлайсың,
Сиқыры бар ма көзіңнің.
Сезімнің жібін ұрлайсың.

Құбылып шыққан сырнайсың.
Жүректiң жырын жырлайсың.
Шақырып мені алыстан,
Қолыңды маған бұлғайсың.

Құбылып шыққан сырнайсың.
Жүректің жырын жырлайсың.
Алдымда менiң күлімдеп,
Жадырап күндей тұрғайсың.

---