Өлең, жыр, ақындар

Мөп-мөлдiрсiң

  • 19.07.2021
  • 0
  • 0
  • 594
Мөп-мөлдiрсiң,
Тұп-тұнжырсың,
Тұнықсың,
Тұнығыңда тұма барын кiм ұқсын.
Жар қойнында жалыныңа шарпылып,
Жазған жүрек жалғыз саған құнықсын!
Тұп-тұнықсың,
Мөп-мөлдiрсiң,
Тұнжырсың,
Тұнжырыңда тың жын барын кiм бiлсiн.
Барым сенiң баяныңа бас ұрып,
Жаным сенiң жамалыңнан үргiлсiн!
Тұп-тұнықсың,
Тұп-тұнжырсың,
Мөлдiрсiң,
Өзегiме өрт жалатқан өндiрсiң.
Көбелектей көркiңе ынтық Пəруана
Көктегi Айды алақанға қондырсын!



Пікірлер (0)

Пікір қалдырыңыз

Шұғылажан

  • 0
  • 0

Елжiреп ескен желдей Құбыладан
Еркiмнен айырдың-ау, Шұғылажан.
Жел керген желбегейiн желқайықтай
Желпiнiп сала бердi-ау бүгiн ағаң!

Толық

Қайта жанды өшкен нұрым

  • 0
  • 0

Қайта жанды өшкен нұрым,
Қайта оралды көшкен күнім.
Көктөбеге шақырғандай
Көктемеде өскен гүлім.

Толық

Жек көремін мен сені, жек көремін!

  • 0
  • 0

Жек көремін мен сені, жек көремін!
Бізден гөрі көкке анау көп керегің...
Тырнағынан ғайыптың майып болсаң,
Тырнап ашып көзімді көктер едім!

Толық