Өлең, жыр, ақындар

Жүрегiмде – мың бiр қайғы, мың бiр мұң

  • 19.07.2021
  • 0
  • 0
  • 480
Жүрегiмде – мың бiр қайғы, мың бiр мұң:
Желегiмдi жел мен жылға жұлдырдым.
Сүйгенiмдi, күйгенiмдi қайтейiн,
Байқаусызда бəрiн, бəрiн бүлдiрдiм.
Махаббат жоқ...
Бəрiн, бəрiн бүлдiрдiм.
Мың бiр түн мен өтiп кеттi мың бiр күн...
Баудың күзгi iреңiндей күлгiнмiн,
Таудың күзгi сiлемiндей бұлдырмын.
Махаббат жоқ!
Бəрiн, бəрiн бүлдiрдiм,
Кiм бiлiптi қайрылмасын құрғырдың.
Жынды адамдай бiр жыладым, бiр күлдiм,
Тауға, тасқа табанымды тiлдiрдiм.
Махаббат жоқ,
Күдерiмдi мəңгi үздiм.
Жаһандағы, жапандағы жалғызбын.
Жанталасып өзiмдi iздеп, жай таппай,
Жанарына үңiлемiн əр қыздың.
Махаббат жоқ,
Мен де жоқпын, не керек...
Жоқ болған соң кiм есiркеп, елемек?
Дəл осылай өтушi едi-ау өмiрден
Отқа күйген көзсiз байғұс көбелек...
Махаббат жоқ...
Күн өткiзiп күрсiнмен,
Тiлдесемiн, күн кешемiн тылсыммен.
Ел iшiнде, өзiм емес, Елестей
Сүйретiлiп келе жатыр күр сүлдем.
Махаббат жоқ...



Пікірлер (0)

Пікір қалдырыңыз

Қысқы көңіл

  • 0
  • 0

Үміттің у мен зəрдей ішіп көлін,
Қиялдың қияндағы құшып көгін,
Аялсыз тіршілікке айла таппай
Ұлиды ақ боранда күшік-көңіл...

Толық

Терісқақпай

  • 0
  • 0

Адамды адам айналды аямасқа,
Арызымды айтамын қай Алашқа?
Қорамсаққа қол салғым кеп тұрады
Айнамкөлде қос аққу аяласса.

Толық

Сақта менi

  • 0
  • 0

Сақта менi.
Көгершiндей көңiлiм аппақ едi.
Алып кетiп жүрмегей əлдебiреу
жан баспаған белгiсiз жаққа менi...

Толық

Қарап көріңіз