Өлең, жыр, ақындар

Мен саған бірде көктем, бірде күзбін

  • 20.07.2021
  • 0
  • 0
  • 714
Мен саған бірде көктем, бірде күзбін.
(Көңілде құйын ойнап жүр ме біздің?..)
Тұманды, күмəндімін күздігүні,
Көктемде саған арнап гүлдер үздім.
Мен саған бірде көлмін, бірде шөлмін.
Ем-домы табылар ма бұл кеселдің?
Кейбірде ағыл-тегіл ақтарылып,
Кейбірде əрең-əрең тілдесермін.
Мен саған бірде күнмін, бірде түнмін.
Өлшеулі түрін қара құрметімнің?!
Артылып жақсылығы бір басынан
Жарығы түсіп жатыр кімге кімнің?..
Мен саған бірде жақын, бірде алыспын.
Шешілмес шер тарқамай жұмбағы іштің...
Кейбірде сезінбеймін сені бар деп,
Кейбірде өзіндеймін күнбағыстың.
Білмеймін, нендей сиқыр бар осында?
Сенделдім сеңдей сезім арасында.
Адасып жүрген жаннан кейде аумаймыз
Екеуміз бір өзеннің жағасында...



Пікірлер (0)

Пікір қалдырыңыз

Өмір өтіп бара ма?

  • 0
  • 0

Жылдар салып араға
Өмір өтіп бара ма?:
Көңіл шіркін күздегі
Жапырақтай сарала.

Толық

Өксікті естіп өрекпіген өзеннен

  • 0
  • 0

Өксікті естіп өрекпіген өзеннен,
Бір өзгеріс болатынын сезем мен.
Бұлтты көріп Күн астында безерген,
Бір өзгеріс болатынын сезем мен.

Толық

Ашылып жас желектей желге іреңі

  • 0
  • 0

Ашылып жас желектей желге іреңі,
Жүрегім сені көріп елжіреді.
Жүрегім елжіресе...
Көкіректе

Толық