Өлең, жыр, ақындар

У-зəрді жалғыз ғана мен ішем бе?

  • 20.07.2021
  • 0
  • 0
  • 376
У-зəрді жалғыз ғана мен ішем бе? –
Жүректің жүдеп жүрген емі сенде.
Көрмеймін дегеніңе көнемін бе,
Келмеймін дегеніңе келісем бе?
Тар жерде тағдыр айдап табысқаным,
Қалайша ауа қонып, алыстадың?
Кім білсін қадіріңді қалыс жерде,
Қасымнан кете көрме қарыс қадым.
Сарғайып, сағынбауға жан шыдай ма,
Көз жасы көңіл кірін аршымай ма?..
Жабырқап,
Сен жоқ жерде жалғызсырап,
Жүрегім сыздамай ма, шаншымай ма?
Қош хабар жеткізер деп кім алыстан,
Көңіл бар көбелектей құрақ ұшқан.
Көрсетші дидарыңды ғайыптан кеп,
Жарылсын жүрек, шіркін, қуаныштан!



Пікірлер (0)

Пікір қалдырыңыз

Өне бойым өршiп тұр

  • 0
  • 0

Өне бойым өршiп тұр,
Тұла бойым тершiп тұр.
Түндiгiңде Ай балқып,
Кiндiгiңде көлшiк тұр…

Толық

Экспромт

  • 0
  • 0

Біріміз бірімізді шерменде ғып,
Несіне керілдестік, кердеңдедік?
Періште пейілің болса пешенеңде,
Жанымнан жай алсаңшы бермен келіп.

Толық

«Кеңсайға» кеткім келді, кеткім келді

  • 0
  • 0

«Кеңсайға» кеткім келді, кеткім келді,
Жанына жақсылардың жеткім келді.
Көктемнен үзіп қайтем көңілімді,
Көгенге тізіп қайтем көп күндерді?..

Толық

Қарап көріңіз