Иса Байзақов

Қызыл флот

Бұл бетте «Қызыл флот» атты Иса Байзақов жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

22.11.2015
0
0
2408

(«Заман-ай» әнімен)

Теңбіл аспан төгіліп дарияға,
Сәуле шашып көк жібек қонды ұяға.
Көк теңіздің көсілген қиыры жоқ,
Жатыр шалқып көз жетпес бір қияда.

Қайырмасы:
Кемелері советтің,
Сол теңізде күзетте,
Қызыл ері флоттың
Жуытпайды бұл бетке.

Кемелердің екпіні тіліп суды,
Желбірете көтеріп қызыл туды,
Қыстауы мен жайлауы Қара теңіз
Айбынды Отаны бар аты шулы.

Қайырмасы.

Ерлеріме қырағы, қайраты мол
Көк теңіздің асты-үсті барлығы жол.
Қызыл әскер шығарад күл-талқанын,
Отаныма жау егер сермесе қол.

Қайырмасы.

Қызыл флот Иса Байзақов Иса Байзақов өлеңдері

Пікірлер (0)

Пікір қалдырыңыз

Жиі қойылатын сұрақтар