Өлең, жыр, ақындар

Жүрегімде жүргені-ай бір қауіптің

  • 18.04.2015
  • 1
  • 5
  • 38240
Жүрегімде жүргені-ай бір қауіптің,
Сабағындай шырмайды шырмауықтың
Үмітпенен, арманмен, күдікпенен,
Өтіп жатыр зымырап зырлауық күн.
...Шешем менің еңкейіп бара жатыр,
Қай күні келер екен нала «батыр».
Жел маған сыбырлайды аят оқып:
«Бір күні айрыласың, қара да тұр».
Кім білсін, көңіл, қандай күй кешеді,
Қаңырап қалуы оңай үй кешегі.
Аландаймын алтыным жоғалғандай,
Анамның көрінбесе кимешегі.
Шешем менің - иілген сұрау белгі,
Сәл ғана шаттық көрді, жылау көрді.
Қалай ғана қалпына келтірерсің,
Дауылдар майыстырған мынау белді.
Ұлың сені жұмаққа бергісі жоқ,
Жұмағың да тамұқ қой - көргісіз от.
Осылай көз алдымда жүре берші,
Сұраулы сөйлемдердің белгісі боп.



Пікірлер (5)

Галымжан

не деген керемет анасына арнаған өлеңі бір артық нәрсе жоқ ....

Сағыныш

Оқыған сайын, анамның орнында жүрген əжетайымды қазіргіденде қатты-қатты жақсы көріп, қадірлей түсемін! "Қай күні екені белгісіз, жұмақтан хабар келгенде, өкінбейтіндей бол", дейтін сияқты...

Алина

Өзіндік пікір(идея)- бір сойлем жазып корсет

Дархан

Шариғатқа қайшы екен

Пікір қалдырыңыз

Абысындар

  • 2
  • 3

Бірінің жары өлген де,
Бірінің жары хабарсыз.
Сұрапыл басқа төнгенде,
Кетіпті қара қағазсыз.

Толық

Адалмын деп, араммын деп айта алман

  • 1
  • 5

Адалмын деп, араммын деп айта алман,
Адалдықпен бірге ойладым, бір күлдім.
Арамдықтын, кемесінде шайқалған,
Тектек болған тайыншадай ділгірдім.

Толық

Кел, болашақ

  • 2
  • 8

Көп құмарттым өмірге, көп көрмедім,
Үміт еттім ұмтылдым, көп терледім.
Ашкөзденіп қайтейін, ей, Болашақ,
Көрмеген күндерімді өткер менің.

Толық

Қарап көріңіз