Өлең, жыр, ақындар

Үстіне жамылғысын жаба алмай қыс

  • 20.07.2021
  • 0
  • 0
  • 479
Үстіне жамылғысын жаба алмай қыс
Жабырқап жатыр ма екен анам байғұс?..
Көл жақта көкала үйрек көрінбейді,
Жүр ме əлде көне жұртын таба алмай құс?
Қыр маңын қыдырыстап Күн шуағы,
Тырнаның қашан жетер сыңсып əні?
Күн батса, алқаракөк аясында
Тынымсыз жымыңдайды түн шырағы.
Көңіл де, көк те кір-кір, ала-құла,
Жас келді үйіріліп жанарыма...
Жатыр-ау, қайран анам жербесікте
Жете алмай қаладағы қарағына.
Қалғиды қарауытып Қабір маңы...
Көктемнің көн жібітер кəне ырғағы?
...Соққан жел Құбыладан,
қармен қоса,
Сөгеді, сөгеді-ай кеп қабырғаны!..



Пікірлер (0)

Пікір қалдырыңыз

Мінбегер

  • 0
  • 0

Ер үстінде не демейді бұл көңіл!
Жер бетінде жекірмейді кімге кім?
Талайлардың кеудесіне жел үрген
Ерден кемі жоқ екен ғой мінбенің.

Толық

Сыздамашы, жүрегiм, сыздамашы

  • 0
  • 0

Сыздамашы, жүрегiм, сыздамашы,
Қарағанмен қиылып қыз баласы.
Ол құрғырлар деймiсiң саған ерер,
Қарағанмен, қол бұлғап қала берер.

Толық

Бүгінгі би

  • 0
  • 0

Илейсiң-ау, илейсiң
Қара жердi балшықтай.
Күйлейсiң-ау, күйлейсiң
Қарға аунаған қаншықтай.

Толық

Қарап көріңіз

Пікірлер