Өлең, жыр, ақындар

Сиынарым, сүйінерім – бір Алла

  • 20.07.2021
  • 0
  • 0
  • 629
Сиынарым, сүйінерім – бір Алла,
Тылсым бар-ау,
Бір сыр бар-ay, сірə, онда?
Шоқ-шоқ болып өспейді ғой шынар да!
Топ-топ болып ұшпайды ғой қыран да!
«Бас кеспек бар, тіл кеспек жоқ» дегенмен,
Бала кезден талай таяқ жегем мен.
Дара туған кім бар дейсің дəуірден,
Жаратылған кім бар дейсің еменнен?!
Тірі түгіл өлі əруақ мақұлдар
Əлімсақтан Ақын деген атым бар.
Насаттанса – нəрестедей мəз болып,
Назаланса – найзағайдай шатырлар!
Ес білгеннен еншімді үзіп ептіңмен,
Жыр жолына жүрегімді жектім мен.
Ақыл-есі бүтін жандар əманда
«Ақын сөзі – құдай сөзі» – деп білген!
Базбіреулер «Басқа пəле, – деп – тілден»,
Ауыл-елден қиыр жайлап, шет жүрген.
Біліп айтам, тіліп айтам деп жүріп
Тірлігімде қанша зардап шектім мен?..
Тура айтам деп туғаныма жақпастан,
Тағдырым бар табанымен шоқ басқан.
Көзсіз ерлік кімге керек бүгінде
Көре-біле көкірегін оққа ашқан?!
Ақын тілін айтшы бірақ, кім кесер?!
Көппен бірге ол да адамша күн кешер.
Хан, патшаңа бас иместен, керексе,
Тəңірінің тек өзімен тілдесер!
...Сиынарым, сүйінерім – бір Алла,
Тылсым бар-ay, бір сыр бар-ay, сірə, онда?..
Шоқ-шоқ болып өспейді ғой шынар да!
Топ-топ болып ұшпайды ғой қыран да!



Пікірлер (0)

Пікір қалдырыңыз

Экспромт

  • 0
  • 0

Саусағың жүзiк салған əппақ қана,
Майысып шəй құясың баптап қана.
Тəңiрiм тал бойыңды шашпай-төкпей
Алтыннан құйған бiлем аптап қана!

Толық

Төрдегі орным көрінер тұманданып

  • 0
  • 0

Төрдегі орным көрінер тұманданып,
Сыртта тұрып есіктен сығаласам.
Елдегі орным көрінер, ерте есейіп,
Егделердің ішіне сыналасам.

Толық

Көзiң сенiң – шаркесе шарап толы

  • 0
  • 0

Көзiң сенiң – шаркесе шарап толы,
Қайта-қайта мас қылдың, қарап, менi.
Ұшып шыққан ұядан қарлығаштай
Қасың, қалқам, қағылған қанат па едi?

Толық

Қарап көріңіз