Өлең, жыр, ақындар

Алқара көк қандай əсем, айшықты?!:

  • 22.07.2021
  • 0
  • 0
  • 670
Алқара көк қандай əсем, айшықты?!:
Анам көмген таба нандай Ай шықты.
Ақ шабақтай шоршып қашқан қармақтан
Жұлдыздар да жамырады жан-жақтан.
Көкжиектің жонын сипап көмескі,
Əлдеқайдан əбеқоңыр леп есті.
Күміс теңге төгілгенде науадан,
Əтір исі аңқиды екен ауадан!
Сарықарын самауырда шəй қайнап,
Дастарқанға келіп қонды Ай жəйлап.
Толған Айға не жетеді күздегі?! –
Қонған Айға қолым создым үзгелі.
Көкте де Ай,
Жерде де Ай,
Екі Айға
Кезек-кезек қарағанмен не пайда?
Ай сəулесі жайлағалы жер үйді,
Көңіл шіркін сары майдай ериді.
…Алқара көк қандай əсем, айшықты?!.
Анам көмген таба нандай Ай шықты.



Пікірлер (0)

Пікір қалдырыңыз

Қамап қойып ішіне тас қамалдың

  • 0
  • 0

Қамап қойып ішіне тас қамалдың,
Тағдырымды табанға тастаған кім?
Енді кімге айтамын арманымды? –
Мен өзімнен бүгінде басқа адаммын!

Толық

Мезі мезгіл меңдеп мені бір өңшең

  • 0
  • 0

Мезі мезгіл меңдеп мені бір өңшең,
Көптен бері көтерілмей жүр еңсем.
Аллаға мың шүкіршілік айтар ем,
Ауруымнан айықтырып жіберсең.

Толық

Әкім

  • 0
  • 0

Ақынды айтса, əкімдер
«Ит көрген ешкі көзденер».
Жатсынбай бері жақын кел,
Өнеге тұтсын өзгелер.

Толық

Қарап көріңіз