Шөмішбай Сариев

Ғұмыр кешу – жұбаныш

Бұл бетте «Ғұмыр кешу – жұбаныш» атты Шөмішбай Сариев жазған өмір туралы өлең берілген. Өлең мәтіні, текст, өлең жолдары және толық нұсқасын осы жерден оқуға болады.

11.04.2022
0
0
1799

Ғұмыр кешу – жұбаныш,
Бұл өмірдің бағында.
Өмір сүру – қуаныш,
Денсаулығың барында.
Тәңір сыйы – бұл өмір,
Бәріне де қанағат.
Дәурен кешіп сүре біл,
Өмір бізге аманат.
Жақсы болса ұрпағың,
Жақсы ғұмыр кешесің.
Кестеленіп гүл бағың,
Әр күн сайын өсесің.
Болса өмірде достарың,
Өмір зая болмайды.
Қашса өмірде достарың,
Бұл ғұмырда сол қайғы.
Құстар ұшпай көгіңде,
Керуен тартып көш қонбас.
Денсаулықта өмірде,
Артық саған дос болмас.
Қартаюдың жолында
Уақыт еңсе басады.
Денсаулығың жоғыңда
Бақыт аулақ қашады.
Ғұмыр деген уақыт қой,
Уақыт деген он саулық.
Өмір деген Бақыт қой,
Бақыт деген, Денсаулық!

Шөмішбай Сариев ғұмыр кешу – жұбаныш Шөмішбай Сариев өлеңдері

Пікірлер (0)

Пікір қалдырыңыз

Жиі қойылатын сұрақтар