Шөмішбай Сариев

Арайлап күнім, таң атты

Бұл бетте «Арайлап күнім, таң атты» атты Шөмішбай Сариев жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

13.04.2022
0
0
2307

Арайлап күнім, таң атты,
Аштым бір тағы парақты.
Жырымды менің тыңдады,
Көзі бар досым қарақты.
Арайлап тағы атты күн,
Шырағын атты жақты күн.
Тумайды екен өмірде,
Күннен асып бақ бұрын.
Туады бақыт күнменен,
Шомылып шалқып нұрға енем.
Бұдан да артық бақ бар ма,
Жайылып жатқан гүлді әлем.
Далам да батқан шуаққа,
Тауым да мінген қуатқа.
Жайнаған нұрмен жылқышы
Атын байлап суатқа.
Көкорай шалғын гүл шықты
Таңғы әсем нұр шықты.
Осылай тағы өмірде,
Таңым атып, күн шықты.
Таңның өлең – дастаны
Шуақ төгіп шашқаны.
Таңғы шыққа бет жуып,
Күнім жұмыс бастады.
Қысқарар бойы түскі шақ
Көлеңке баурын ішке сап,
Қайырлы таң, ақ таңым
Алтын күнім, іске сәт!

Шөмішбай Сариев арайлап күнім таң атты Шөмішбай Сариев өлеңдері

Пікірлер (0)

Пікір қалдырыңыз

Жиі қойылатын сұрақтар