Өлең, жыр, ақындар

Өмір, өтіп барасың қайрылмастан

  • 20.07.2021
  • 0
  • 0
  • 617
Өмір, өтіп барасың қайрылмастан,
Өкпелідей заманға қайырым қашқан.
Жетегіңе ерем де жетімектей,
Етегіңе жармасам айрылмастан.
Қарай ма деп бірауық хал-жайыма
Шамам келмей жабысам шалғайыңа.
Талықсыған кезімде, талаураған
Су тамызсаң қайтеді таңдайыма?
Шабысыңнан жазбайсың жорғасымақ,
Жанұшырам жалыңа жармасып ап,
Құлқынына құзғынның құм құйылып,
Қалып жатыр қапталда қарға шулап...
Бірде ұғып өзіңді, бірде ұға алмай,
Өтемін бе ештеңе тындыра алмай?
Əй-шəйіме қаратпай ажал шіркін
Алмаса етті алқымнан бір күні, Алла-ай.
Өмір, өтіп барасың бұрылмастан,
Қызық қуып қыздайын қырым қашқан
Ашу басу айтатын шамаң бар ма
Адамдарға иттейтін ырылдасқан?
Қырық құрау, жүректі қырық жамау
Түңілтетін түбінде түрің бар-ау!..
Қабағың бір, қайтейін, ашылмады-ау,
Назарың бір, қайтейін, бұрылмады-ау.
Қара жердің түскенше қорабына
Көз қырыңды салсаңшы «қонағыңа»
Жалғыз аяқ жолымды жалғармысың
Жаһан кезген бабалар сорабына?..



Пікірлер (0)

Пікір қалдырыңыз

Түн лəззəтiн таба алмай, жан құмарын

  • 0
  • 0

Түн лəззəтiн таба алмай, жан құмарын,
Сан жұлдызға көзiмдi талдырамын.
Көзiңдегi көлiңдi сарқып iшiп,
Қашан ғана шөлiмдi қандырамын?

Толық

Кешегi кербез жиырма бес..

  • 0
  • 0

Кешегi кербез мəз емес жiгiттiң жайы –
Тақырдай қаңсып таусылды жiлiктiң майы.
Төзiмдi жалап-жүқтаған төсекке ене
Өзеуреп өшiп қалады қос өкпе неге?

Толық

Көрген түсі жақсылыққа жорамал

  • 0
  • 0

Көрген түсі жақсылыққа жорамал,
Таңнан тұрып оятатын жоқ анам…
Жалғыз аяқ қара жолға түсіп ап
Мен де бір күн көкке сіңіп жоғалам.

Толық

Қарап көріңіз