Шақпақтас – Исраил Сапарбай

Бұл бетте «Шақпақтас» атты Исраил Сапарбай жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

  • 21.07.2021
  • 0
  • 0
  • 1316
Қаныбек Сарыбаевқа

Сөйлеуді білмей абайлап,
Ар санап ақыл айтуды,
Көзіңде шарт-шұрт жай ойнап,
Найзағай шатынайтын-ды.
Кей-кейде бір мұң мөлдіреп,
Кеудеңде сенім сөнгенмен..,
Өрттейін өршіп сол бір от
Өтетін еді-ау өңменнен!
Дүмбілез, дүмше, дүмдімен
Қырғи да қабақ, қыңбайтын,
От ауыз, орақ тілдім ең,
Айтарын айтпай тынбайтын!
Кейпіңнен кетпей кекесін,
Кескекті ер, кемелдікке ендің.
Шерттің-ау талай шекесін
Шегіртке–шенеуніктердің...
Тағдырдың бассақ тамырын,
Ақынмен күндес күллі азап!
...Қаныбектердің қадірін
Қайдан да білген бұл қазақ?..
Ертелеу жанып жұлдызың,
Жанарда тулап жай тынбай..,
Ішіңде кетті-ау бір қыжыл
Əлдекімдерге айтылмай...
Еңсесін бұрған бірлікке
Есті жұрт арын жоқтатпас.
Бықсыған біздің тірлікке
Керек-ау сендей Шақпақтас...


Пікірлер (0)

Пікір қалдырыңыз

Жиі қойылатын сұрақтар

Шақпақтас өлеңінің авторы кім?

Исраил Сапарбай — осы өлеңнің авторы.

Шақпақтас өлеңінің толық мәтінін қайдан оқуға болады?

Бұл бетте өлеңнің толық мәтінін және текст нұсқасын онлайн оқуға болады.

Шақпақтас өлеңі не туралы?

Бұл өлеңде Исраил Сапарбай өз ойы мен сезімін көркем түрде жеткізеді.

Шақпақтас өлеңінен үзінді бар ма?

Бұл бетте өлеңнің толық мәтіні, шумақтары және өлең жолдары ұсынылған.

Осы автордың басқа өлеңдері