Өлең, жыр, ақындар

Бір жапырақ қалмапты-ау тал басында!

  • 21.07.2021
  • 0
  • 0
  • 652
Бір жапырақ қалмапты-ау тал басында!
Қалбаң қаққан не дерсің қарға сұмға?
Қайран көктем, қайран жаз, сайраны өтіп,
Қара жердің шіріген жамбасында!..
Тəңірінің тəрізді тас қамалы
Қабарып тұр бұлттың қас-қабағы.
Сəні кетті-ау сəусілдек сəмбінің де
Сары лыпасын сыпырып тастағалы.
Алды-артына алаңдап қарамастан
Сары лыпаны кім екен ала қашқан?
Бұлдырланып Күн көзі бұлт ішінде,
Дір-дір қағып жаурап тұр жалаңаш тал.
Жалаңаш тал – жас сұлу,
Күлкілі өңі...
Тəңір атқан тал түсте бұл кім еді?
Жамыратқан күн кеше жапырағын
Жан-денесін Жантық-жел тінтінеді.
Бір жапырақ қалмапты-ау тал ұшында!
Жас денеге Жантық-жел жабысуда.
Дəрмені жоқ, əлі жоқ алысуға,
Амал қанша, кетіп тұр салы суға...



Пікірлер (0)

Пікір қалдырыңыз

Мені қалап, мені ұғатын жан бар ма?

  • 0
  • 0

Мені қалап, мені ұғатын жан бар ма?
Мейіріме қанығатын жан бар ма?
Оңашада қалғанда бұл жалғанда,
Сағынатын, қамығатын жан бар ма?

Толық

Арман – қыз

  • 0
  • 0

Көңілімнен көкжиекке Күн қашып,
Неге мені бара жатыр мұң басып?
Қанша қызбен жүрдім бірге сырласып,
Біреуіне бола алмадым шын ғашық.

Толық

Бір тал гүл

  • 0
  • 0

Бiрте-бiрте салқынсыған сезiммен
Кездерiңдi көрiп жүрмiн көз iлген.
...Мен көтерiп алып ем-ау күн кеше
Бiр тал гүлдi –

Толық

Қарап көріңіз