Өлең, жыр, ақындар

Ұятың – ақ бетіңнің қызылы еді

  • 21.07.2021
  • 0
  • 0
  • 504
Ұятың – ақ бетіңнің қызылы еді,
Қызығып енді кімдер сүзіледі?
Үзілген жаңа əлгінде алмадайын
Қызылмен əрлі екен-ау қыз реңі!
Ұрыны түн жамылып баққа кірген
Із кесіп іздегенмен таппадым мен.
Қызығың қыз күніндей қайдан болсын,
Бетіңе опа-далап жаққаныңмен.
Жүзіңе ұялғанда қан тебетін,
Нəпсінің ауыздықтап нəн төбетін.
Ақындар марапаттап махаббатты,
Ғашықтар əуелетіп əн төгетін.
Жүзіңнен қызарғанда, қан таматын,
Сездіріп сезімсарай салтанатын.
Қауышып қалатұғын кірпіктерің
Тауысып талайлардың жан тағатын.
Ұрыға ұятыңды алдырғалы
Жаныңда жастық əні жаңғырмады.
Бөз болды ілездемде шырайлы өңің,
Өзгерді ерніңдегі балдың дəмі.
Бетіңе опа-далап жағынасың,
Жасанды сол құрғырды нағыласың?
...Қызғыштай қыз ұятын қорғаймын деп
Қу жүреқ, сонша неге жанығасың?!.



Пікірлер (0)

Пікір қалдырыңыз

Ақын жары

  • 0
  • 0

Күйбең тiрлiк...
Күйдiк, пiстiк, өртендiк..,
Ес жинадық, ел iшiне ерте ендiк.
Жетсек дедiк жағалауға ертерек

Толық

Бастау алған бұлақтан кəусар көлiм

  • 0
  • 0

Бастау алған бұлақтан кəусар көлiм,
Тұнығыңды, шөлдесем, таусар ма едiм?
Жанарыммен үн-түнсiз жайымды айтып,
Кəусар көлге жаңбыр боп жаусам дедiм...

Толық

Қайта тудым

  • 0
  • 0

Қайта тудым,
Қайта ойнадым.
Қайта тұрдым,
Қайта ойладым.

Толық

Қарап көріңіз