Жек көремін мен сені, жек көремін!

Жек көремін мен сені, жек көремін!
Бізден гөрі көкке анау көп керегің...
Тырнағынан ғайыптың майып болсаң,
Тырнап ашып көзімді көктер едім!
Көктер еді жас өскін өртеңінде,
Бүгінім де,
Ертегім – ертеңім де!
Үр қызына ұқсаған ұрғашым да,
Елден, белден айрылған еркегім де!
Көктер еді құбақан мына халык,
Жұрты жұттан қалмаса жұдаланып...
...Бала көңіл байғұстың айыбы не,
Ойыншықпен ойнайтын жылап алып?

---