Құдайға құлдық ұрып, құлша нандым

Құдайға құлдық ұрып, құлша нандым.
Кімге, айтшы, одан өзге мұң шағармын?
Күмəнмен күлдібадам күнді өткізіп,
Тұманмен түн баласы тұмшаландым.
Көңілім көні кепкен түз даладай.
Жүректің түз далада сыздағаны-ай!..
Өнбойын өртке алдырып өксиді Өлең
Алданған жігітінен қыз баладай.
Тарайды тамыр бойлап шер-шеменім,
Таба алмай жанға тыным теңселемін.
Не болмақ көгімдегі сөнсе Күнім?
Не болмақ кеудемдегі өлсе Өлеңім?..