Құлама

Қызым саған айтайын,
Ұлым сен де құлақ сал,
Бұл өмірде болмайды
Мәңгі бақи тұрақтар.
Жақсы-жаман өтеді,
Көрген түстей ұмытылып.
Мақсатына жетеді,
Қарманған жан ұмтылып.
Қиындықтан құтылу
Жолы — еткен әрекет.
Әрекетті ұяда
Тұрақ табар берекет.
Берекенің түбі еңбек,
Тауып алу қарманып.
Жоғыңды берер түгендеп
Өзгені одан жалған ұқ.
Ақыл, білім, парасат,
Ол да еңбекпен келеді.
Төгіп ап салған жарақат
Абыройыңды әкеп береді.
Сүрін, бірақ түрегел,
Бойыңды тікте құламай,
Асыл сөзді діттегін,
«Мал тап» деген ұлы Абай.

23.03.1999 жыл.