Ақын болып не керек – Тұрсынхан Әбдірахманова

Ақын болып не керек,
Аузың уәлі болмаса.
Айтқаныңа ел ұйып,
Көкірегіне сөзің қонбаса.
Ақын сонда ғана ақын
Кешегі Асан, Бұқардай
Ел қамын еңіреп толғаса.
Жүрек сөзін тебірене
Ұрпағына жолдаса,
Елі боп оны түсініп,
Елбасы болып қолдаса.
Еңсесін халқы көтеріп,
Елдік қамын қамдаса.
Жұдырық болып жұмылып,
Бірін-бірі қолдаса
Айтқанынан ауытқып,
Айнығандар болмаса.
Береке-бірлігін құптап,
Тәңірі ісін оңдаса.
Тағылым алар талайлар
Ұлағатты ұлы сөз
Болашаққа жолдаса
Ақын сонда шын сорлы
Мұның бірі болмаса,
Сөзін танып, қаперге ап
Ілтипат қылар зейінді
Ұрпағы болмай сорласа.

06.08.1998 жыл.