Нарық деген көкдауыл құйын соқты – Тұрсынхан Әбдірахманова

Нарық деген көкдауыл құйын соқты
Жапырақтай ұшырып дүйім көпті.
Терін төгіп, ток жүрген кеше ғана
Еңбеккерге ерекше тиді соққы.
Етем деген күні ертең көпті қарық
Бүкіл елге бүйідей тиді нарық.
Қара халық сорлады қайыршы боп
Екі қолға бір күрек таппай қалып.
Адамшылық барады азып-тозып,
Бәйгеден кеп сотқардың аты озып.
Адастырған ақылды заман туды,
Жүгенсіздік жол алып қаулай қозып.
Топырақтай төңкеріп дүниені,
Құйын болып үйіріп жылы ұяны.
Тойымы жоқ, аларман, тоқ монтандар...
Айтыңдаршы ағайын, кім тияды.