Мақтаймыз, ол жігіттің нары дейміз

Мақтаймыз, ол жігіттің нары дейміз,
Жоғары парасаты, ары дейміз.
Ал соны танытар қай қасиеті?
Қандай іс, қай енбегін кәні дейміз?
Елім деп аузы айтып, қолы істемесе,
Халықтың бақ, дәулетін үстемесе,
Ұлтының тілін, әдет-ғұрпын, салтын
Үлгі етіп ұрпағына түстемесе.
Адамдық парызынан табылмаған,
Халыққа қашан жақсы танылды адам!
Өнерге көкірегі қор, маңайы шол
Ындыны аш уызынан жарымаған.
Санда бар, санатта жоқ көптің бірі,
Күнелткен ел қарасы әйтеуір тірі.
Аты бар бөрік киген — барлық бәсі
Өзіндей кимешекке ол да ірі.

---