Өмір — күрес, ойды ұйытқан уағыз

Өмір — күрес, ойды ұйытқан уағыз,
Дүниеде мәңгі жоғын ұғамыз.
Әсте бітпес мақсат қозғап көңілді,
Үмітке еріп сан майданға шығамыз.
Алатұғын түгесе алмай үлесін,
Mice болмай «Адам!» деген ұлы есім,
Жалғайды екен мәңгі өздері адамдар
Ізгілік пен зұлымдықтың күресін.
Бүгінгі күн қазақ жаппай саудагер,
Саудагерді алып сатқан дауда кер.
Обалсыздың алшы түсіп асығы,
Аймақты алып тебешікке тау төнер.
Алғаннан соң ақшаға әбден құнығып,
Адалдардың лайлап бар тұнығын,
Нарықшылар бөкті дағы байлыққа
Адамдарды қойды түгел ұры қып.