Өлең, жыр, ақындар

Жасаңыз тұтас ғасыр

  • 09.08.2021
  • 0
  • 0
  • 429
Ә. Нұршайықовтың жетпіске келген мерейтойына

Өрнектеп зерлеген соң сөз тазасын,
Зергер деп халқы берген өз бағасын.
Жеті асқар желіп асқан құттықтаймыз
Қазақтың көркем сөзінің Әзағасын.
Тереңнен тердің дағы шын асылын.
Даралап халқыңа тән ұнасымын.
Әркімге бұйырмайтын пәк сезімді
Саралап ғибрат дейтін шың асырдың.
Еліңнің Бауыржандай дара адамын,
Қорғаған ұлт намысын нар адамын
Көбіктен, көрмей үрген көпірмеден
Арылтып, ақиқатын сараладың.
Кетпейтін түймедейге асып-тасып,
Қалмайтын түйедейге мойып, жасып.
Көп кешкен сынық арба сырбаз мінез,
Келесіз ақырын жүріп анық басып.
Аяулы Халимаңмен қол ұстасып,
Қызығы ұл-қызыңның, болып нәсіп.
Асқарлар қалып жатсын басын иіп,
Жасыңыз тұтас ғасыр толып, тасып.



Пікірлер (0)

Пікір қалдырыңыз

Құрмет туралы сөз

  • 0
  • 0

Япыр-ай, достар,
Жан жүрегінде гүл көктеп
Өседі екен,
Отанын сені құрметтеп,

Толық

Айман-ай!

  • 0
  • 0

Ән салғам, Айман-ай деп, күн мен ай, — деп
Мені қой, Мұхаң өзі толғады-ай көп.
Зор жырға арқау болған Аймандардың
Шын ай боп бірі аспанға шырқады-ай кеп.

Толық

Сөз

  • 0
  • 0

Мәніне бармай, болмашы ғана сөз дейсің.
Сол сөздің ғажап құдірет-күшін сезбейсің.
Сиқырлы сөздің құзырыменен кей-кейде
Жақынмен алыс, жатпенен тіпті өздейсің.

Толық

Қарап көріңіз