Өлең, жыр, ақындар

Тәж кигізем

  • 09.08.2021
  • 0
  • 0
  • 482
Қазақстан Ұлттық Ғылым академиясының академигі Серік Смаилұлы Қирабаевтың туғанына жетпіс жыл толу мерейтойына арнау.

Бабалардан келе жатқан тартып ізді,
Шыр еткен сәтте-ақ танып затыңызды,
Серік болып жүрсін деп ұзақ жасап,
Ырым етіп қойған-ау атыңызды.
Бұл тілекті тәңірі қабыл еткен,
Берген Сізге мол дарын қабілет пен.
Сіз жасаған тау еңбек, зор биікке
Аз-ay деймін адамдар қолы жеткен.
Жасап қазақ ғылымын алға асырып,
Ағалардың ұлы ісін жалғастырып,
Шын серік боп МҰХАҢА, ҚАЖЫМДАРҒА
Бердің жеміс жастарға сан ғасырлық.
Азаматқа бұдан зор еңбек бар ма!
Құдық қазып инемен шыққан алға!
Нәтижесін ұрпаққа мирас еггің,
Деп тілеймін тәңірден ғұмырын жалға.
Болса әлі де іске ассын арманды ойың
Қамы болып еліңнің жүрген жәйін.
Маған, мендейлерге де шарапатың
Тиіп, асты мерейім, өсіп бойым.
Ел қызығар өмірің бар тамаша,
Әлиядай-ақ болар жар қаласа.
Серік болған Серікке әрқайда да
Ақылына тәнті бар хан, қараша.
Жеті асқар Мерейтой құтты болсын,
Ырыс-несібе шарасы тасып, толсын.
Қам-харакет елі үшін еткен бауырым,
Мұхаммедтің басына нұры қонсын!
Тәж кигізем. Мұнымды біреу ұғар,
Ұқпас үшін мен емес жолдан шығар.
Елбасылар, бұрын-сонды тәж кигендер
Парасаты Сіздей-ақ болған шығар.



Пікірлер (0)

Пікір қалдырыңыз

Көңіл

  • 0
  • 0

Кей-кейде көңіл құйын ғой,
Үйіре ұйтқып соғатын
Толастамағы киын ғой
Жоғалтқан таппай тағатын.

Толық

Шіркін жастық

  • 0
  • 0

Шіркін жастық!
Мекені құз қырансың,
Түгесілмес, ылғи жаңа жыр-әнсің
Кеудесінде жаны барды аспанға

Толық

Не дей алам

  • 0
  • 0

Тыныс – демің көз алдымда,
Ұмытқаным жоқ бір дірілін.
Бақыты үшін қияр едім
Өз жерімнің бір гүлінің.

Толық

Қарап көріңіз

Пікірлер