Жеңешеме – Тұрсынхан Әбдірахманова

Халық Қаһарманы Қасым Қайсеновтің 85 жасқа толуына арналған салтанатты кеште оқылған құттықтау. «Батыр аға туралы баллада» жазғанымды айта келіп бұл өлеңді аяулы жеңешем Асылға арнап, арқасына зер қамзол жаптым.

Өмірде бар арманы болған ғасыл,
Мадақта, мақта мейлің аспанға асыр
Лайық киелі орда бәйбішесі
Тойыңыз тойға ұлассын жеңгем, Асыл!
Әз жеңгем, атың да Асыл, өзің де асыл,
Отыңның басы жайлау жазғы жасыл
Парықтай білген батыр парасатын,
Жасай бер әз жеңешем, тұтас ғасыр.
Сырбазсың кең пішілген мінезге бай,
Қосылған кемел ақыл ағама сай.
Батырды алақанда аялайсың,
Риза боп пір тұтады ұйып маңай.
Парасат пайымыңа болған енжар,
Күнім жоқ, Қасағама болдың тең жар
Риза көңілімнің алғысы деп,
Жабамын иығыңа зерлі кемзал.

21.05.2003 жыл.