Эссе және өлең-жыр байқауы

Айт, десеңіз, жарандар

  • admin
  • 25.11.2015
  • 0
  • 0
  • 2555
Айт, десеңіз, жарандар,
Азырақ жауап бастайын.
Айт дегенде іркіліп,
Бойымды балап тартпайын.
Парасатсыз жамандай
Жүрексініп саспайын.
Алысқа шапқан жүйріктей
Аяқты жайлап тастайын.
Қалағаның біз болсақ.
Сұрағаның сөз болса.
Қатты жауған жаңбырдай
Алдарыңда қаптайын.
Мәжіліске келген соң,
Тәңірім жел сөз берген соң,
Атасы арзан дегенмен,
Сіздерге бұлдап сатпайын.
Атасы арзан дегенмен,
Өздеріңдей жақсы болмаса,
Бостан -босқа айқайлап,
Құр далаға шашпайын.
Айт деп бізге үлкендер,
Қаумалап қызық құралды - ай.
Іркілейін несіне,
Болған соң басым базарда - ай.
Мәжіліс құрған алқаны
Жүрмесем де таба алмай,
Осы отырған әлеумет,
Басымды салып базарға - ай,
Айт дегенде бұлдансам,
Болам ба мұнан ажарлы - ай?!
Жан барында жайнайын,
Тіл барында сайрайын.
Әзірейіл құрық салған күн,
Қаумалаған ағайын,
Қаларсың бір күн таба алмай.


Көңіл айтуы

  • 0
  • 0

Ағузыбіллә тартуға,
Тіріге қайыр айтуға,
Орнына келдік жақсының,
Бәсі қымбат даңқтының.

Толық

Менің сөзім қошамет

  • 0
  • 0

Кәріліктің белгісі –
Көңілдің қошы келмеген.
Жарлылықтың белгісі –
Жанын қинап өлмеген.

Толық

Әлеумет, келдің қаумалап

  • 0
  • 0

Әлеумет, келдің кұралып,
Сөз базарын құралық.
Айтулы жүйрік мен едім
Алысқа шапқан шұбалып.

Толық

Қарап көріңіз


Пікірлер (0)

Пікір қалдырыңыз

×