Тұрсынхан Әбдірахманова

Ақорда үй болыңдар

Бұл бетте «Ақорда үй болыңдар» атты Тұрсынхан Әбдірахманова жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

09.08.2021
0
0
701

Болашаққа деген ұлы сеніммен
Қол ұстасып өтпек болып өмірден
Балаларым игі қадам басыпсың.
Бата бергем аналық ақ көңілден.
Қабақ шытпай ұзақ ғұмыр кешіңдер!
Ұрпақты боп үбір-шүбір өсіңдер!
Құрбыларың қызыға қарап, үлгі алып,
Надия мен Ернардай бол десін ел.
Қанат қағып қияға ұшып қоныңдар,
Жақсыларға өмірде үлкен орын бар.
Қонақ тандап түсетұғын іздеп кеп,
Ырысы асқан Ақорда үй болыңдар.
Дүние опасыз, бақ баянсыз білгейсің,
Ар-намыспен дос боп қана жүргейсің.
Аты арымас ардың құлы азамат
Болсаңдар тек, жаман өмір сүрмейсің.
Мен анаңмын. Аналық ақ тілегім —
Арың аппақ, мөлдір таза жүрегің
Бол Алланың сүйген құлы екеуің
Мен сендерге сол бақытты тіледім.

20.08.2001 жыл.

Тұрсынхан Әбдірахманова ақорда үй болыңдар Тұрсынхан Әбдірахманова өлеңдері

Пікірлер (0)

Пікір қалдырыңыз

Жиі қойылатын сұрақтар