Айман-ай! – Тұрсынхан Әбдірахманова

Ән салғам, Айман-ай деп, күн мен ай, — деп
Мені қой, Мұхаң өзі толғады-ай көп.
Зор жырға арқау болған Аймандардың
Шын ай боп бірі аспанға шырқады-ай кеп.
Ол — қазақ. Мұсақожа қызы Айман,
Аумайды десем сияр аспанда айдан.
Әлемдік актриса скрипкасы
Шын мәнде күллі әлемге үнін жайған.
Міне шын Ер деп таныр шыған өрлік
Қыңырдың қыбын тапқан нағыз Ерлік.
Тер төгіп асау өнерді ауыздықтап
Алғанды осынау ғажап көзбен көрдік.
Сүйсінтіп өнеріңе елді дүйім
Бауырым, құтты болсын алған сыйың.
Таныттың кішіпейіл, зыйындылық
Риза еттің ұстаздарыңның танып күйін.
Өсе бер, айды қойып күнге де жет,
Шын асқақ өнеріңе тәнті емес жоқ.
Әлемді сүйсіндірдің еңбегіңе
Алла да ақ мейірін тегері хақ.

26.01.2001 жыл.