Алтай – Ырысбек Дәбей

Көрмегелі көп болды-ау ақ қарыңды,
Төбеме төңкеріп ап аспаныңды.
Е, Алтай!
Есім кетіп еңіредім,
Түсімде тас қып құшып тастарыңды.
Кірпігіме қонатын қылау ұшып,
Ақ сүңгі тал кеп тұрған жылағысы.
Толастамай жауатын торғайбас қар,
Тонға оранған апамның шылауышы.
Бәрі,бәрі есіме түсті бүгін ,
Көктен талып жеткенде құстың үні.
Қалш-қалш етіп тұр ме екен тас обалар,
Бетін жұлып алтайдың үскірігі,
«Қарашада қар жауар қатырлаған,
Батыр жігіт Алтайдан ат ұрлаған...».
...Иен қыстау, бөрі үні, әже ертегі,
Найзағай жыр кеудемде шатырлаған.