Өлең, жыр, ақындар

Биылғы егін

  • 12.08.2021
  • 0
  • 0
  • 557
Сұлудай белі бұралып,
Толықсып, толық сыланып,
Даланы жауып егін тұр
Еңбектен өскен алтындар,
Қып-қызыл бидай жалқындар...
Қанша байлық тегін тұр.
Даланың көркі егістік
Егістік егіп келістік
Деп шаруа күледі!
Биылғы шығым орасан,
Қанша байлық санасаң,
Тотыдай дала түледі.
Шөп машина сарылдап,
Шаруалар жапырлап,
Күн ашығын сұрайды.
Егінді орақ қулайды,
Асаудай егін тулайды,
Тулайды да құлайды.
Дала толған шөмеле,
Қонған құт па немене?!.
Не деген кеп, апыр-ай!..
Шоқпыт күліп ақырын,
Түртіп қалып қатынын:
«Ашылды-ау көзің, бақыр-ай!»
Дейді де айыр алады.
Айырлап келіп салады,
«Қотыр көктің» бағы бар.
Биылғы жылы семірттім,
Құр аттай қылып елірттім,
Ашылды көзің жануар».
Не дерін Шоқпыт білмейді,
Мұртынан күліп жүр дейді.
Жуырда соқпақ астығын.
Артығын сатып қалаға,
Қыстай шықпай далаға,
Шынтақтап жатпақ жастығын.

1926



Пікірлер (0)

Пікір қалдырыңыз

Сара Есоваға

  • 0
  • 0

Мен көргенде бойжеткен қыз едің сен,
Сырттай емес, іштей бой түзедің сен.
Мұқалмас марксизм қайшысымен
Аяусыз ескілікті күзедің сен.

Толық

Жазғы күні орманда

  • 0
  • 0

Жасыл шөптің исі мұрын жарады,
Таза ауа исіндірді тамырларды,
Ағаш, шөп, жапырақтар мүлгігендей,
Мың түрлі көркем бояу көздің алды.

Толық

Москваға сәлем

  • 0
  • 0

Москва!., тек өзіңнен қанаттанып,
Шыңдарға нелер биік ұшқан халық —
Қазақтан, саған тарту — таралғыға
Ән-күйді бір эшелон келдім алып!

Толық

Қарап көріңіз

Басқа да жазбалар