Өлең, жыр, ақындар

Мұғалім

  • 08.10.2019
  • 0
  • 1
  • 9855
Ел ісін басқаратын көсем бол, сен,
Бал тамған таңдайыңнан шешен бол, сен
Батыр бол қол бастаған, тағы сондай
Салада қанша биік өсе бер, сен;
Жаса сен, қай жағдайда, қай заманда,
Әрдайым міндеттісің бір адамға;
Былайғы жақын түгіл, оның орнын
Керген жоқ басып, туған ата-анаң да;
«Мұғалім!» бұл адамның ардақты аты.
Білімдік бар биікке шығар саты.
Ең алғаш басталады осы адамнан,
Сүйеді сондықтан да жақын, жаты.
— Ар жағы иероглиф, бергі әріп
Арқылы қандай тілде, қандай халық
Хат білсе, санасына мұғалімнен
Түседі бірінші рет сәуле-жарық.
Білімнің шарлағанда талай өрін,
Жаңалық ашқан шақта нелер керім,
Бар ғалым, барлық қоғам мұғалімді
Сыйлайды мәңгі-бақи беріп төрін.

1960



Пікірлер (1)

Ақерке

Өте тамаша өлең

Пікір қалдырыңыз

ІІІ — Тың толғауы

  • 0
  • 0

Хатыңды, ақын інім, ерте оқып,
Пайдалы сөзін ойға алғам тоқып.
Беруге іле жауап, көп қағаздың
Отырдым арасында, жатқан қоқып.

Толық

Егделік туралы

  • 0
  • 0

Көңілім де, денем де жас деп жүріп,
Егде тартып қалыппын абайсызда:
Мысалы, — жас шағымда ызғар, мұзға
Ұйықтай қалсам оянғам бойым жылып.

Толық

Сүт заводы

  • 0
  • 0

Мәз-мәйрам боп, қарқ-қарқ күліп қатындар,
Шуласады: «Жылдамырақ тартыңдар!»
Күр-күр етіп зырылдайды доңғалақ,
Күлімдейді өңкей «нашар-пақырлар».

Толық

Қарап көріңіз