Өлең, жыр, ақындар

Алтын қазушыларға

  • 12.08.2021
  • 0
  • 0
  • 494
(«Степняк» алтын өндірісін көргенде)

Емес пе алтын тамаша,
Көруге және ұстауға?
Мысалы, мысқа баласа,
Қадағы тең мысқалға.
Сондай алтын тастарға
Тығылады ұрланып,
«Ұрының» бетін ашпауға,
Тұрады тас та сұрланып.
Мекендейді ол сұр тас,
Жеті қабат жер астын.
Соны да, адам, етіп паш,
Сүңгіп барып сен аштың!..
Ұндай қылып үгіттің
Сұр тасты сыртқа суырып,
Өз түсіне түлеттің,
Алынды алтын жуылып.
Сонша еңбекпен алғаның,
Тонна тастан бір мысқал.
Біліп баға — салмағын,
Қымбатты көріп ел ұстар!..
Елмен бірге өзің де
Ол алтынға иесін.
Бейнетінен безінбе,
Тағы да тап жүйесін!

1929



Пікірлер (0)

Пікір қалдырыңыз

Өлеңім

  • 0
  • 0

Мың тоғыз жүз бірінші жылы туып,
Мінекей отыз бесті жеттім қуып.
Отыз бес түгіл, сексен, тоқсан бесте
Жоламаймын деп «маған ажал жуық»

Толық

Қалам

  • 0
  • 0

Досыңнан, әйеліңнен, балаңнан да,
Әкеңнен, туысыңнан, анаңнан да
Артық сыр шешіп, түгел ақтарылар
Жалғыз-ақ жан серігің — қалам ғана.

Толық

Алатаудай ауылым

  • 0
  • 0

Он сегіз жыл бұрын бай, патша, бектен
Езілген, шерлі болған көкіректен
Жанған ыза жалыны Алатаудың
Астындағы қызудай, сыртқа тепкен.

Толық

Қарап көріңіз