Ақынға – Сәбит Мұқанов

1
Пролетар ақыны —
Әскер-солдат.
Туған халқы бақытқа тартқанда,
андап,
Қаламын қолына ала,
Бірге аттанбай
Іркіліп жолда олар,
Қалай қалмақ?
Ал, ақындар,
Қиял, ой, шешен тілді,
Кәне, жұмса,
барыңды аттан қолға ап.

2
Өлең,
Сұлу сөздерің
Табыңа азық.
Жетістік,
Қайрат,
Жоспар
Ісін жазып,
Өзің де, сылдыр сөзбен қарап қалма.
Тілге шебер,
Іске осал болма,
Нәзік.
Тіл,
Қол,
Бұлшық еттерің
Істе түгел
Қимылдасын,
Осалша қалмай қажып.
Социалистік құрылыс,—
Ұлы сарай,
Соған өз қолыңменен
Қағыс қазық.

1930