Қарындаштың тұқылы

Қырық тиындық бұл қызыл қарындаштың
Ұшы кезді сансыз мың жолдың астын.
Кей жерлерін мақұлдап, кейбір жерді,
Деп сызады «бұл тұста жаза бастың».
Кітаптан, қолжазбадан мыңдар жолды
Бойлай жортып, кең шарлап оңды-солды,
Шау болған қарт қырандай, тобан аяқ
Таусылып, міне бұл да тұқыл болды.
Тоздырмақ заман ұшы, жүзі барды.
Талай суып, талайлар қызуланды.
Бұл да солай өзгеріп, тек, жасаған
Белгісін көрсететін ізі қалды.

1948

---