Реті

Қазақша өлең мәтіні, өлең жолдары және толық нұсқасы.

  • 25.11.2015
  • 0
  • 0
  • 2998
Бөкен тонын жамылса,
Көкірегі қабынса,
Теріс қабаққа бағынса,
Ажалы жеткен майталман,
Көп ұзамай табылса,
Бұл – сұр мергеннің реті.
Сұрқыл болса заманға,
Зирек болса қаламға,
Қаламы түссе базарға,
Қаламымен қас болған
Қалынса үлкен зарарға,
Бұл – заңғойдың реті.
Ер жігіт елін меңгерсе,
Жетімдерге жем берсе,
Жесірлерге жер берсе,
Алдында тентек жөнделсе,
Әділдігін ел көрсе,
Бұл – азаматтың реті.
Алқада жауап сөйлесе,
Түюлі сөзден аспаса,
Десте-десте сөз жөнін
Ретімен сәндесе,
Кемелдігін парықтаса,
Билігін алаш мақтаса,
Төмен жауап айтпаса,
Уәдесін сатпаса,
Қалдырып әділ сөздерін,
Көңілінде танбаса,
Сабырсыз сөзден қатпаса,
Орнына қойып баршасын,
Бір-біріне шатпаса,
Пікірге кәміл жұрт озған
Бұл – шешеннің реті.


Пікірлер (0)

Пікір қалдырыңыз

Жиі қойылатын сұрақтар

Реті өлеңінің авторы кім?

Ақтан Керейұлы — осы өлеңнің авторы.

Реті өлеңінің толық мәтінін қайдан оқуға болады?

Бұл бетте өлеңнің толық мәтінін онлайн оқуға болады.

Реті өлеңі не туралы?

Бұл өлеңде Ақтан Керейұлы өз ойы мен сезімін көркем түрде жеткізеді.

Реті өлеңінен үзінді бар ма?

Бұл бетте өлеңнің толық мәтіні мен шумақтары ұсынылған.

Осы автордың басқа өлеңдері