Ар-ожданым – айнымас дәстүр-дінім

Ар-ожданым – айнымас дәстүр-дінім,
Жүрегіммен оятам тастың мұңын,
Сұм ойлардан Санамды аластаған-,
-тамыріші ырылдақ қасқырлығым!

Тәңір құйған жаныма Бақ ілімін,
Тау мен тастың сіңірдім тағылымын.
Қаққа жарып тұманды, Хақ іздеген...
Ой ішінде жортады тағылығым!

Мына, бес күн жалғанның құны қайда?
Түнім – олжа болғанмен, күнім – айла...
Төбе басы ашынған Төбе Бидей,
Қасқырлығым тұрады ұлып Айға!

---