Сүйме мені...

Аллам әлі саған артық сый береді...
Ханшадай шалқып көңіл күймедегі
Мен оңбаған адаммын жек көріп кет
Жек көріп кет,ешқашан сүйме мені!

Сүйме мені,бағыңды ұшырасың
Ақылымнан жүректің күші басым
Сезіміңді сақтап қой келешекте
Менен де жақсысына ұсынасың...

Сағынба да,аңсама,іздеме еш
Көрінбесін көзіңе түзден елес
Кол ұстасқан көрінсе қырдан екеу
Үміттенбе бекерге,біздер емес

Біздер емес,сынбайтын сынақта да
Өткерерсің бәрін де шыдап қана
Жек көріп кет,ойлама,армандама
Сүйме мені сыртымнан ұнатпа да...

Соңғы әні бұл үзілген жапырақтың
Өте берер жауапсыз сатылап күн
Сенде өзіңе лайықты ізде сыңар
Кайтесің тас жүрегін ақымақтың

Аллам әлі саған артық сый береді...
Ханшадай шалқып көңіл күймедегі
Мен оңбаған адаммын жек көріп кет
Жек көріп кет,ешқашан сүйме мені!

P.S Міне,мендік тағдырдың күйін білдің
Бақытыңның аларсың сыйын бір күн
Кінәлама сүймеді деп,сен секілді
Мен де өзгені жауапсыз сүйіп жүрмін...

(С) Абзал Алтый

---