Көгінен құс кете алмай еру қонған

Көгінен құс кете алмай еру қонған,
Түбіне ай жете алмай зәру болған.
Арна ғып таудың төсін жатқан көлдің,
Реңі тотияиын, дәмі зәмзәм.

Таңы қызыл шымылдық,кеші балдай,
Бұлт шөккен нар түйелі көші бардай.
Жүзіңді шарлып өткен салқын лептің,
Асырар әсемдігін сесі бардай.

Өзінде бар тірлігі бір ғаламдай,
Толқынды толқын қуған құр қалардай.
Бір көл бар өр алтайда қанас дейтін,
Тым терең, әрі бійік тұлғалардай!

---