Өлең, жыр, ақындар

O, неткен әдемі сөз әйел деген

  • 14.09.2021
  • 0
  • 0
  • 998
O, неткен әдемі сөз әйел деген,
Секілді ақын жазған аяулы өлең.
Жылынып нәзік сезім жылуына,
Қалғымай жол үстінде ояу келем.
Ұйқымнан ол желпісе оянар ем,
Қанатын балапандай саялар ем.
Көгілдір құпиялы көкжиекті
Ашылған қарсы алдымнан әйел – әлем.
Қандайсың, бір қарап-ақ алар біліп,
Ұнасаң, қабақ беріп, қарар күліп.
Әйелге ұнамайды жүрегі жоқ,
Жасанды, жаны ұсақтау жаман жігіт.
Әрбір тал кірпіктері арайды ілген,
Арайдан ақ сәулені тараймын мен.
Дүниеге жаны нәзік ақын көзі
Әйелдің көзіменен қарай білген.
Сезгенге құдіретті сөз әйел деген,
Аспанға әр түн сайын айы өрлеген.
Кішкентай әйелдің от құшағынан
Ашылған арман әлем, аяулы әлем!..



Пікірлер (0)

Пікір қалдырыңыз

Айта алмаймын

  • 0
  • 0

Айта алмаймын,
алғанымды сұрама,
Ұрпағыма не қалады мұраға.
Ойлап тұрсам, о, жаралы жер-ана.

Толық

Туған жерден шыққан жолдай таралып

  • 0
  • 0

Туған жерден шыққан жолдай таралып,
Оңаша ойдан отырамын нәр алып.
Маған анам “доп домалақ болып сен –
Кіндігіңе тудың, - дейтін оралып”...

Толық

Сая іздеп кетті шалғай құрбы қаңғып

  • 0
  • 0

Сая іздеп кетті шалғай құрбы қаңғып,
Кім қалды, әнді сүйіп, сырды ұғарлық?
Төсінде қырдың бір гүл, қатарымен,
Көктемде көзін ашпай тұрды қалғып.

Толық