Өлең, жыр, ақындар

Деймісің

  • 16.09.2021
  • 0
  • 0
  • 912
(Ақтамберді жырауша)

Қай қоғамды алмаңыз,
Нарықсыз ғой деймісің.
Базар мен жер атаулы,
Салықсыз ғой деймісің.

Тауары үшін коммерсант,
Арын сатпас деймісің.
Күні үшін бұл қазақ,
Малын сатпас деймісің.

Доллар үшін қыз-қырқын,
Тәнін сатпас деймісің.
Өтірікші, залымдар,
Жанын сатпас деймісің.

Сауда жасап бұл халық,
Қарық болар деймісің.
Білім қумай – болашақ,
Жарық болар деймісің.

Ел басқарған басшылар,
Дана еді ғой деймісің.
Жетім-жесір, халыққа,
Пана еді ғой деймісің.

Билікті де әкімдер,
Сатып алмас деймісің.
Шығып кеткен шығынды,
Қайтып алмас деймісің.

Ұл-қызымыз оқуға,
Өзі түсер деймісің.
Талантты ұлға ұстаздың,
Көзі түсер деймісің.

Кәмелетке толмаған,
Қыз тумайды деймісің.
Үй едені қысты күн,
Сыз болмайды деймісің.

Адал жүріп, тік тұрсам,
Ат мінгізер деймісің.
Шындықты айтсам – кемшілік,
Сап түзелер деймісің.

Осы сыннан қадірім,
Аса қояр деймісің.
Газет-журнал таласып,
Баса қояр деймісің.

***
Осыны ойлап қайтейін,
Суып кетед кейде ішім.



Пікірлер (0)

Пікір қалдырыңыз

Нұрлан Өнербаевқа

  • 0
  • 0

Шырақ десең, шырақ бұл,
Бұлақ десең, бұлақ бұл.
Нұрекеңе ғашық боп,
Талай қыздар «құлап» жүр.

Толық

Талап

  • 0
  • 0

Ұядағы балапан қақты қанат,
Қарға емес, қыранға өзін балап.
Көтерілсем дей берді биігірек,
Енді қатқан қанаты – жаңа талап.

Толық

Дауыл

  • 0
  • 0

Есікті сабалап,
Дол жел ұрады.
Жел үні қарашы,
Құлақта тұрады.

Толық

Қарап көріңіз