Өлең, жыр, ақындар

Ұлы халық

  • 17.09.2021
  • 0
  • 0
  • 444
Ұлы дейміз Біреуді,
Ұлылығы Зор ма екен?
Ұжұмаққа апарар
Ұлы Жібек жол ма екен?!
Айнымасқа ант берген
Анталаған қол ма екен?
Дәстүрімді дәріптеп,
Салтымызды сақтаған
Қай данышпан болды екен?!
Ағыны күшті дария
Ағыл-тегіл төгіліп,
Толқыны жарға соғылып,
Қашан тасып толды екен?!
Үскірікте үсітпей
Үске жапқан ішіктей,
Қаңтардағы аяздан
Қаймыққанда қымтанған
Қамқа жаға тон ба екен?
Басқанікі теріс те,
Оныкі тек оң ба екен?!
«Өлмегенің өремқап,
Алдыменен өзімді
Жарылқайық!» – дегені,
Жарандар-ау, жөн бе екен?
Қыран бүркіт тепкіні
Қаршығамен тең бе екен?
Бұл жалғаннан жай таппай,
Ұлылығын байқатпай,
Жылылығын сездірмей,
Туа біткен алыпты,
Мына біздей халықты
Жүрсе-дағы көзге ілмей,
Ұлы дейміз Біреуді...
(Пікір бар-ау не түрлі),
Жалғыз Құдай секілді
Жалғыз Ұлы сол ма екен?!



Пікірлер (0)

Пікір қалдырыңыз

Мансап туралы баллада

  • 0
  • 0

...Бағзы заман.
Байтақ елде бір Мансап
Сайран салып,
Сән-салтанат құрған шақ...

Толық

Ұялаған кеудемнің түбіне мұң

  • 0
  • 0

Ұялаған кеудемнің түбіне мұң,
Қорықпаймын келсе де бүгін өлім.
Шүберекке түйіп ап қу жанымды,
Шындық үшін шырқырап жүгіремін.

Толық

Дауылдай алып соқпа сияқты үміт

  • 0
  • 0

Дауылдай алып соқпа сияқты үміт,
Жүрсең бір жанталасып, жиі аптығып.
Көтерсе кейде өзіңді заңғар көкке,
Тастайды кейде өзіңді ұятты ғып.

Толық

Қарап көріңіз