Өлең, жыр, ақындар

Көктемді күтіп жүрмін мен...

  • 17.09.2021
  • 0
  • 0
  • 738
Кінәлап босқа өткенді,
Қайтемін айтып өкпемді.
Онан да, досым,
Осы күн
Сағынып жүрмін көктемді.
Ғаламат болды бұл неткен?!
Арылмай ғалам дүрмектен.
Жадырап,
Жайнап,
Жарқырап
Келмей-ақ қойды-ау бір көктем.
Кетпей-ақ қойды-ау қыс бірден,
Аязы бар ма үскірген.
Аяқта әлі бәтіңке,
Түскен жоқ тоным үстімнен.
Оранып үлде-бүлдеге,
Жетемін қашан шілдеге?
Кесірі кімнен,
Көктемім –
Кешігіп жатыр бұл неге?!
Өрілмей бұлақ жайлаудан,
Көрінбей гүлдер қойнаудан.
Жалықтым ба елде тойлаудан,
Қалыппын ба әлде ойлаудан?!
Қайда әлгі...
Қайран көктемім.
Қайырылмай неғып кеткенің?
Қажаған әбден кәрі қыс
Шеше алмай жатыр шекпенін.
Жалғасып бір күн бір күнмен,
Арылмай көңіл кірбіңнен.
Майданнан қайтқан көкемдей
Көктемді күтіп жүрмін мен!



Пікірлер (0)

Пікір қалдырыңыз

Теңселіп тірлік дарағы

  • 0
  • 0

Теңселіп тірлік дарағы,
Көбейіп өмір залалы.
Онсыз да көңіл қаралы,
Онсыз да жаным жаралы.

Толық

Махамбет және Жәңгір хан

  • 0
  • 0

Армысың,
Асыл
Алдаспан!
Арнадым саған

Толық

Әкені еске алу

  • 0
  • 0

Есіме түстің, жан көке,
Есіркеп, бәлкім, жүрмісің?!
Атырдым көзбен таңды ерте,
Кетпей-ақ қойды-ау бір мүсін.

Толық

Қарап көріңіз