Өлең, жыр, ақындар

Көктемді күтіп жүрмін мен...

  • 17.09.2021
  • 0
  • 0
  • 837
Кінәлап босқа өткенді,
Қайтемін айтып өкпемді.
Онан да, досым,
Осы күн
Сағынып жүрмін көктемді.
Ғаламат болды бұл неткен?!
Арылмай ғалам дүрмектен.
Жадырап,
Жайнап,
Жарқырап
Келмей-ақ қойды-ау бір көктем.
Кетпей-ақ қойды-ау қыс бірден,
Аязы бар ма үскірген.
Аяқта әлі бәтіңке,
Түскен жоқ тоным үстімнен.
Оранып үлде-бүлдеге,
Жетемін қашан шілдеге?
Кесірі кімнен,
Көктемім –
Кешігіп жатыр бұл неге?!
Өрілмей бұлақ жайлаудан,
Көрінбей гүлдер қойнаудан.
Жалықтым ба елде тойлаудан,
Қалыппын ба әлде ойлаудан?!
Қайда әлгі...
Қайран көктемім.
Қайырылмай неғып кеткенің?
Қажаған әбден кәрі қыс
Шеше алмай жатыр шекпенін.
Жалғасып бір күн бір күнмен,
Арылмай көңіл кірбіңнен.
Майданнан қайтқан көкемдей
Көктемді күтіп жүрмін мен!



Пікірлер (0)

Пікір қалдырыңыз

Мағжан

  • 0
  • 0

Қалай, қалай сілтейді мына Мағжан,
Қаламында мұң болып тұнады арман.
Соғып-соғып соңынан шалдыққан соң,
Қара дүлей дауылдай тына қалған.

Толық

Жалықтың ба, қара жер

  • 0
  • 0

Жалықтың ба, қара жер,
Жарылыстан!
Жүрегімді зорлықтың зәрі қысқан.
Сенде туған, сенде өскен пенделердің

Толық

Барасың ба болып кекті, Семейім?

  • 0
  • 0

Барасың ба болып кекті, Семейім?
Шер-шеменге толып кетті көмейің.
Әкем едің – асылайын мойныңа,
Шешем едің – емшегіңді емейін.

Толық

Қарап көріңіз

Пікірлер