Ертіс жағасындағы қала

Бұл бетте «Ертіс жағасындағы қала» атты Серік Тұрғынбеков жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

  • 18.09.2021
  • 0
  • 0
  • 822
Қадірін, қасиетін ұққан жастан,
Әр сөзі тіліп түсер мықты алмастан.
Армысың, аялы ел, саялы жер,
Бір кезде Абай басқан, Мұхтар басқан.
Есіркер ескі өмірдің мұңдасындай,
Еспе жел еркелейді шын досыңдай.
Көшесін толқындардай кеше бердің
Тарихтың тұнып тұрған тұнбасындай.
Талай жыл тылсымыңды ғасыр ұқпай,
Даңқыңды жасырып жыл, асырыпты ай.
Қаншама көне қала болсаң-дағы,
Тұрасың жазылмаған тақырыптай.
Жастардың арманындай алға кетіп,
Жығылған қалың орман жарға жетіп,
Сырғасын сұлулардың алып қайтсам
Ертістің өзенінен жалдап өтіп.
Осылай ардақтаса ел еркесін,
Қыздардың от жанары сені өртесін.
Аспанға ауыз ашқан алып завод
Көне үйге түсіргендей көлеңкесін.
Оралсаң ауыл-аймақ жолын көріп,
Жатады гүл-бәйшешек төрінде өніп.
Қала тұр ақ Ертістің жағасында –
Қарт Семей жас Семейге орын беріп.


Пікірлер (0)

Пікір қалдырыңыз

Жиі қойылатын сұрақтар

Ертіс жағасындағы қала өлеңінің авторы кім?

Серік Тұрғынбеков — осы өлеңнің авторы.

Ертіс жағасындағы қала өлеңінің толық мәтінін қайдан оқуға болады?

Бұл бетте өлеңнің толық мәтінін және текст нұсқасын онлайн оқуға болады.

Ертіс жағасындағы қала өлеңі не туралы?

Бұл өлеңде Серік Тұрғынбеков өз ойы мен сезімін көркем түрде жеткізеді.

Ертіс жағасындағы қала өлеңінен үзінді бар ма?

Бұл бетте өлеңнің толық мәтіні, шумақтары және өлең жолдары ұсынылған.

Осы автордың басқа өлеңдері